Të ftuar në lidhje ‘Skype’ pasditen e djeshme tek “Rudina” ishin çifti i dashur, Mihrije Braha dhe Naim Abazi. Ata kanë folur se si po shkojnë ditët në izolim dhe nëse janë zënë ndonjëherë.
Naim Abazi: Gjatë këtyre ditëve kemi patur kohë edhe për të reflektuar, a mund të jetë jeta edhe ndryshe, a mund të shohim anë të tjera edhe përmes një prizmi tjetër të jetës dhe si mund të përballojmë ato anë të tjera. Pastaj kemi patur kohë edhe për të folur për të kaluarën.
Rudina Magjisatari: A jeni zënë ndonjëherë gjatë kësaj periudhe?
Mihrije Braha: Atëherë në fillim kur Naimi nuk po ambientohej me qëndrimin brenda, i thashë a do kafe apo do çaj dhe ma ktheu me një farë intonacioni jo fort të këndshëm dhe i thashë kujdes se pastaj mbetesh dhe pa ngrënë. Por jo nuk jemi zënë.
Mihrja shtoi se i mungojnë shumë miqtë dhe familjarët, pasi është izoluar që prej 13 marsi ndërsa Naimit i është dashur të dalë gati çdo ditë për shkak të programit të tij. Kujtojmë se dyshja janë të martuar prej 35 vitesh dhe kanë një djalë të quajtur Plator.
