Në vetëm pak ditë pritet të nisë sezoni i ri televiziv i cili siç duket do të sjellë për teleshikuesit programacionet më të mira dhe të ndjekura deri më tani. Me ndryshimet e shumta që janë përfolur në media, disa kohë më parë u shtua dyshimi se moderatori dhe aktori i njohur i humorit, Ermal Mamaqi nuk do të ishte pjesë e ‘Tv Klan’ me emisonin ‘Xing me Ermalin’.
Në këtë lajm kanë ndikuar edhe angazhimet e tij të momentit që nuk janë të fokusuara në televizion, por në realizimin e filmit më të ri “I love Tropoja”, i cili pritet të jetë një tjetër sukses i radhës i Mamaqit. Megjithatë përtej këtij projekti, sipas burimeve nga ‘Tv Klan’, Ermali do të vijojë të jetë pjesë e kësaj familjeje të madhe mediatike, me programin ‘Xing me Ermalin’, format ky që solli në vëmendje të audiencës shumë personazhe publikë shqiptar dhe i mbërtheu të gjithë para ekranit nga notat e humorit. Ermali do të jetë sërish pjesë e ‘Klan’, vetëm me ndryshimin se nuk do të nisë transmetimin këtë sezon, pra në prag vjeshte, por në janar, ka shkruar revista ‘Class’. Pra të gjithë ndjekësve të Mamaqit i duhet thjesht të presin pak derisa muaji janar të afrojë dhe Ermali të shfaqet sërish për të gjithë teleshikuesit./revistawho.com
https://www.instagram.com/p/B1mIya4hY3l/
