Në dhjetor të vitit të kaluar Ed Sheeran dhe partnerja e tij, Cherry Seaborn, kurorëzuan me martesë dashurinë e tyre. Ceremonia e çiftit të njohur ishte shumë private dhe gjatë gjithë kësaj kohe Ed Sheeran është munduar ta mbajë jetën e tij larg vëmendjes mediatike. Shumë rrallë ndodh që ai dhe Cherry të shfaqen bashkë në publik, ndaj dalja e tyre e fundit i ka bërë të gjithë kuriozë. Çifti i njohur janë fotografuar duke shijuar disa ditë pushime në Ibiza dhe të dy dukeshin shumë të dashuruar me njëri-tjetrin. Në fotot e siguruara nga “Daily Mail”, këngëtari shfaqet duke i hedhur dorën në sup partneres së tij dhe duke i dhuruar puthje.
Ata te dy ishin veshur shumë thjeshtë, diçka që i ka karakterizuar që në fillimet e tyre. Kujtojmë se Ed Sheeran është njohur me bashkëshorten e tij që në fëmijëri dhe se shumë këngë ja ka dedikuar asaj. /revistawho.com
