Brad Pitt është shprehur i emocionuar që vajza e tij dhe Angelinës, Zahara do të shkojë në kolegj. Aktori tha se është shumë krenar dhe i janë mbushur sytë me lot. Teksa fliste me gazetarët në premierën e ‘Bullet Train’ në Los Angeles, Pitt tha: “Ajo është kaq e zgjuar, ajo do të shkëlqejë edhe më shumë në kolegj. Është një kohë emocionuese dhe e bukur për të gjetur rrugën e saj dhe për të ndjekur ëndrrat e saj. Ku shkon koha, apo jo? Ata rriten shumë shpejt. Kjo më bën për të qarë”. Aktori foli dhe për fëmijët e tjerë duke treguar se ata janë rritur dhe ai nuk ndikon në vendimet e tyre. “Më pëlqen kur ata gjejnë rrugën e tyre, gjejnë gjëra për të cilat janë të interesuar dhe shkëlqejnë”, tha Pitt. Pitt dhe Jolie kanë vajzat Zahara, Shiloh dhe Vivienne dhe djemtë Maddox, Pax, dhe Knox.
Si rrallëherë, Brad Pitt në një rrëfim për fëmijët e tij dhe Angelina Jolie-s
