Ndonëse është përpjekur që jetën private ta mbajë larg syrit të mediave, këngëtarja e njohur shqiptare, Era Rusi ka treguar së fundmi e ftuar në emisionin ‘Trokit’ me moderatorin Ermal Peçi, disa detaje të pazbuluara më parë nga jeta e saj. Edhe pse nuk ka zbuluar nëse aktualisht ndodhet në një marrëdhënie dashurie apo jo, Era ka pohuar se përfshihet shumë në një lidhje dhe jep gjithçka nga vetja.
E pyetur nëse i është kthyer ndonjë nga ish-të dashurit dhe a kanë qarë për të, Era ka pranuar se po. “Të gjithë kanë qarë. Po se ashtu është, kur e humbet e kupton. Edhe unë…edhe kam qarë. Mos të bëjmë kot sikur. Ndodh një gjë, unë jepem shumë në një marrëdhënie, ndoshta ma marrin si për të mirëqënë. Kur iki unë, fillojnë e kuptojnë”,- ka treguar Rusi pa asnjë kompleks para kamerës.
Ndryshe nga çdo herë tjetër, ajo ka zgjedhur të tregohet e sinqertë dhe të rrëfejë diçka më tepër nga jeta e saj private. Përveç kësaj ajo ka folur dhe për projektet e reja muzikore dhe angazhimet e shumta në këtë fushë.
Kujtojmë se vetëm dy ditë më parë, Era publikoi këngën e saj më të re më titull ‘Le t’i dalë flaka’, e cila deri më tani ka arritur të marrë 100 mijë klikime në kanalin e ‘Youtube’./revistawho.com
