Kate Middleton dhe Princi William u shfaqën për herë të parë bashkë në një stadium me fëmijët e tyre, Princin George dhe Princeshën Charlotte. Familja mbretërore ishte e pranishme për të mbështetur skuadrën e preferuar të William, Aston Villa. Këtë herë George dhe Charlotte ishin në qendër të vëmendjes, duke qenë se nuk ndodh shpesh që fëmijët e familjes mbretërore të shihen në të tilla evente sportive. Princi George kishte veshur një fanellë të Aston Villa dhe u pa duke qeshur dhe duke bërë tifo për skuadrën. Gjithashtu gjatë ndeshjes të gjithë vunë re se William i fliste George, me siguri për të komentuar lëvizjet e futbollistëve. Ndërsa Princesha Charlotte ishte e ulur në prehërin e Kate dhe të dyja kanë parë me qetësi ndeshjen e futbollit.
Familja u ul në një tribunën VIP, ku ishin të pranishëm edhe shumë fansa të tjerë të skuadrës. Kjo dalje publike e tyre vjen disa javë para se Kate dhe William të largohen për një vizitë 5 ditore në Pakistan. /revistawho.com
