Meshkujt është shumë lehtë t’i kuptosh kur kanë bërë seks. Ecin gjysmë metri mbi tokë, fishkëllejnë dhe i përshëndesin njerëzit, të njohur e të panjohur. Edhe në qoftë se nuk arrini ta kuptoni vetë, gjasat e mëdha janë që ai t’u tregojë vetë se ka pasur një natë të paharrueshme. Por, si qëndron puna me gratë? Si mund ta kuptoni nëse ajo ka pasur një mbrëmje pasionante, në qoftë se nuk ka ndonjë shenjë në qafë, flokë të shthurura, apo është e veshur me këmishën e partnerit? Ja përgjigjet:
Ju tërheq më shumë
Sa më shumë aktivitete seksuale ka një femër, trupi i saj do të prodhojë më shumë feromone, qëllimi i të cilave është ta tërheqin seksin e kundërt. Në fakt, nëse rrini pranë saj dhe e ndjeni se po ju ndizet motori, gjasat janë të mëdha se ajo sapo ka pasur marrëdhënie seksuale.
Është më e lumtur
Hulumtimet me 15 mijë njerëz kanë treguar se ata që bëjnë seks dy ose tre herë në javë, janë 55 për qind më të lumtur se ata që kanë jetë më të varfër seksuale. Kështu që vini re për këto shenja, sidomos nëse ajo është më e lumtur se zakonisht.
Është më e bukur se zakonisht
Shkencëtarët kanë dëshmuar se trupi i njeriut është më i shëndetshëm kur bën seks. Muskujt relaksohen, qarkullimi i gjakut rregullohet, trupi ndjehet mirë. Nëse ju duket më e bukur se zakonisht, e ndërkohë nuk është regjistruar në një kurs të ri ushtrimesh aerobike, ta dini se seksi është në pyetje.
Nuk bën vërejtje
Hormoni oksitocin e bën më të kënaqur. Gruaja që sapo ka bërë seks nuk bën shumë vërejtje. Ajo nuk i vëren fare budallallëqet e përditshme, të cilat zakonisht e nervozojnë.
Ka fjetur mirë
Pas orgazmës gratë prodhojnë 30 përqind më shumë prolaktin, hormon ky që ndihmon rënien në gjumë të thellë. Gjumi i thellë = gjumë i mirë. Nëse e shihni të freskët në mëngjes dhe energjike për punë, do të thotë se ndoshta pas seksit ka pasur një gjumë të mirë.
Ka më pak kërkesa
Në këtë rast oksitocina e bën më të kënaqur, prandaj ajo nuk irritohet shpejt. Këtë shenjë do ta kuptoni lehtë.
