Daljeet Kaur u bë e njohur për publikun shqiptar me rolin e Anxhalit në serialin e “Tv Klan”, “Si ta quaj këtë dashuri”. Sakaq për publikun vendas aktorja është përfolur shumë edhe për jetën e saj private. Kaur ka përjetuar një divorc të vështirë i cili përfundoi deri në dhunë fizike. Por pas kësaj faze të vështirë të jetës, artistja u duk se rilindi në disa aspekte. Ajo ka filluar të punojë menjëherë pas ndarjes së bujshme me ish-bashkëshortin Shaleen Bhanot. Daljeet ka ndjekur një regjim shumë strikt gjatë kësaj kohe, duke bërë çdo ditë palestër e duke ndjekur një dietë të personalizuar. Ajo ka treguar për mediat se pas ndarjes humbi plot 25 kilogramë duke zbuluar edhe metodën:
“Po bëj kujdes me ushqimin që prej një viti. Kjo është arritur duke patur një regjim shumë strikt. Alternoj midis vrapit dhe ushtrimeve kardio. Të gjithë më thonë se nuk jam dukur ndonjëherë kaq e re. Kam qenë goxha e mbushur dhe e gjerë në fakt. Prisni dhe një apo dy muaj e do dukem akoma më mirë”./ revistawho.com
