Pasi Kushit i bie të fikët, Arnav e merr në krahë. Ndërkohë Pajal është nisur për në vendin e faljes aty ku ndodhet Akash dhe Anxhali. Akash mahnitet kur sheh Pajalin. Pajal i rikthen pjatën e lutjes Anxhalit. Anxhali i kërkon Pajalit ta bëjnë lutjen së bashku dhe Pajal pranon. Arnav i hedh ujë në fytyrë Kushit që ajo të vijë në vete. Më pas i jep ujë për të pirë. Kushi i hap sytë dhe sheh Arnavin. Ajo shqetësohet që ai i prishi agjërimin. Arnav mundohet t’i thotë që asaj i ra të fikët dhe duhet ta bënte këtë. Kushi i falet perëndeshës dhe i kërkon falje që e prishi agjërimin. Asaj i merren mendtë dhe Arnav është përsëri ai që e shpëton. Këtë herë Kushi dhe Arnav janë shumë pranë njëri tjetrit. Pasi vjen në vete Kushi largohet. Lavanja vjen në tempull e veshur me sari. Manorama e komplimenton. Arnav dhe Kushi shkojnë tek të tjerët. Kushi takohet me Pajalin. Pajal e pyet çfarë ka ndodhur por Kushi nuk e shqetëson. Sham telefonon hallën dhe e pyet nëse Kushi dhe Pajal kanë arritur. Halla i thotë se nuk ka folur me to. Sham më pas telefonon Kushin dhe i thotë të kthehet në shtëpi. Kushi i thotë se do kthehen sapo të mbarojë lutja. Ndërkohë Anxhali është e shqetësuar pasi bashkëshorti i saj nuk ka ardhur. Arnav e merr në telefon dhe ja kalon telefonin Anxhalit. Anxhali e pyet ku është dhe ai i thotë se është rrugës. Të gjithë nisin ritualin. Arnav nuk ja ndan sytë Kushit. Anxhali rri me kokën prapa por bashkëshorti i saj nuk duket. Të gjithë prishin agjërimin ndërsa Arnav thotë se nuk beson në këto gjëra. Kushi dhe Pajal i thonë Anxhalit se po largohen. Anxhali u thotë të qëndrojnë edhe pak që të takojnë bashkëshortin e saj por Manorama ndërhyn dhe i thotë t’i lërë ato të shkojnë. Pasi Kushi dhe Pajal largohen Anxhali ndjen se bashkëshorti i saj ka ardhur. Ajo vrapon drejt tij dhe e përqafon. Bashkëshorti i saj është Sham. Ajo e pyet ku e ka vrarë këmbën. Sham i thotë se do ja tregojë në shtëpi por më parë të bëjnë lutjen. Kushi dhe Pajal janë rrugës. Kushi kujtohet se ka harruar diçka në tempull dhe kthehet për ta marrë./revistawho.com
“Si ta quaj këtë dashuri”, Anxhali shumë e lumtur për ardhjen e bashkëshortit, ja çfarë do ndodhë nesër
