“Si ta quaj këtë dashuri”, Arnav e sfidon, Kushi është e vendosur t’ja dalë mbanë, ja çfarë do ndodhë nesër

Kushi firmos kontratën. Arnav i thotë asaj ta takojë në orën 10 ditën e nesërme. Ai i thotë Kushit se do ja bëjë jetën ferr. Lavanja po kënaqet duke parë skenën. Akash sheh Pajalin në treg duke blerë shall. Pajal largohet pasi nuk e blen dot shallin që pëlqen sepse nuk ka para. Akash shkon dhe e blen atë shall. Kushi është duke u larguar. Servilet e Lavanjës qeshin me Kushin. Kushi e kupton që u nxitua prej impulsivitetit dhe i lutet Zotit ta shpëtojë. Ajo shkon në shtëpi. Pajal e sheh që Kushi është e mërzitur. Sapo Kushi bëhet gati t’ja thotë halla vjen dhe i bërtet që është bërë pis me bojë. Lavanja shkon në zyrën e Arnavit dhe e pyet pse i jep kaq shumë rëndësi Kushit. Arnav i thotë Lavanjës se ajo mund të jetë e dashura e tij por në kompani është shefi i saj. Manorma merr Akashin dhe i bën disa ritual. Ajo i thotë se ka disa foto të vajzave kandidate për martesë. Akash i thotë se nuk është i interesuar por Manorma vazhdon t’i tregojë për një vajzë. Akash i thotë se nuk ka për t’u martuar derisa të martohet Arnavi. Ai mendon për Pajalin dhe si t’ja shprehë asaj dashurinë. Kushi i tregon Pajalit kontratën. Pajal e pyet pse e firmosi. Kushi thotë se nuk mendoi dy herë dhe ishte e nxehur. Pajal i thotë si do punojë për dy javë në atë kompani ku i eci keq që ditën e parë. Arnav nga ana tjetër po kujton skenën me Kushin. Anxhali shkon tek ai dhe e pyet se çfarë e shqetëson. Ajo i tregon Arnavit se gjyshja është bërë detektive. Arnav thotë se do i tregojë gjyshes për të dashurën. Anxhali i thotë se  gjyshja do fillojë të flasë për martesë. Arnav i thotë se nuk është i interesuar në martesë. Anxhali i thotë se ai nuk ka për ta kuptuar se kur do vijë personi i duhur për të. Ditën tjetër Kushi bëhet gati për në punë. Pajal i thotë se ajo po duket sikur po shkon në luftë. Kushi arrin në punë. Asaj i japin detyrë të marrë masat e disa modelëve meshkuj. Kushi shkon tek servilet e Lavanjës dhe i thotë njërës ta bëjë si detyrë. Arnav vjen dhe thotë se ajo nuk mund t’i thotë dikujt tjetër ta bëjë punën. Ai i thotë Kushit t’i marrë masat modelëve ose të largohet. Kushi e gjen një mënyrë dhe vë njërin prej modelëve të marrë masat e modelëve të tjerë./revistawho.com