Aktori 32-vjeçar është i njohur për rolin e një biznesmeni të pasjellshëm në telenovelën “Si ta quaj këtë dashuri”. Roli protagonist në këtë telenovelë bëri që roli i fanseve të rritej në mënyrë të menjëhershme. Megjithatë aktori këmbëngul se kjo nuk i ka prishuar asnjë punë në martesën e tij 7-vjeçare. Barun Sobti i njohur ndryshe si Arnav tregon se ai dhe bashkëshortja janë më shumë miq sesa çift me njëri-tjetrin pasi edhe janë rritur bashkë. Ndaj këto gjëra nuk i përçajnë ata. “Ajo nuk reagon fare në lidhje me faktin që kam shumë fanse. Ajo bën shaka me këtë fakt. Ka një sens të paparë humori. Edhe nëse lexon ndonjë thashethem, ajo thotë “Ua çfarë thanë”! Kështu është ajo.” “Arnav” dhe gruaja e tij Pashmeen janë martuar në dhjetor 2010. Ata kanë studiuar në të njëjtin vend dhe janë çift prej 17 vitesh. “Nuk mund t’ua shpjegoj dot se çfarë lidhjeje kam unë me të. Ne praktikisht jemi rritur bashkë. Ne e pëlqejmë shumë njëri-tjetrin. Sa i përket mbështetjes, e di që nëse ajo nuk do të kishte qenë me mua, unë nuk do të isha as gjysma e këtij që jam sot. Ka vetëm një njeri të duhur për mua dhe ky njeri është ajo. Gjërat që ajo ka bërë për mua gjatë këtyre viteve, më bëjnë të mendoj se askush tjetër nuk bën kaq shumë për dikë. Nëse do të kisha një mundësi të dytë për të rikthyer kohën pas, unë do të bëja ekzaktësisht të njëjtat gjëra që kam bërë dhe herën e parë.”/ revistawho.com
