Në vitin 2011 filloi transmetimin në Indi një prej serialeve më të ndjekur që i solli famën e madhe edhe jashtë kufijve të kontinentit aziatik aktorëve Barun Sobti dhe Sanaya Irani që luanin rolin e Arnavit dhe Kushit. “Si ta quaj këtë dashuri” gjatë vitit 2011 dhe 2012 mbante vendin e parë si seriali më i ndjekur dhe është transmetuar në më shumë se 30 shtete, përfshirë Shqipërinë. Seriali përfundoi në vitin 2012 me një fund të lumtur ku Kushi fiton kurorën e Miss India. Pas kërkesës së miliona fansave që Arnav dhe Kushi të riktheheshin bashkë në ekran, regjisori vendosi që në vitin 2015 të sjellë sezonin e dytë të serialit me titull “Si ta quaj këtë dashuri në përjetësi”. Ndonëse u transmetuan shumë pak episode dhe në pak minuta, seriali sërish pati një shikueshmëri të lartë. Në sezonin e dytë shfaqej jeta e Arnav dhe Kushit pas 3 vitesh martesë dhe në ato pak seri u shfaqën vetëm Arnav, Kushi, Akash dhe Manorama. Revistawho jua solli me përkthim shqip episodet e sezonit të dytë gjatë kësaj jave dhe sot po publikojmë episodin e fundit. Në pjesën e fundit Arnav surprizon Kushin dhe i shpreh dashurinë. Seriali mbaron me Kushin dhe Arnav të përqafuar. Ndiqni episodin 12 në videon më poshtë./revistawho.com
Episodi 12
https://www.youtube.com/watch?v=5gur6XjMDyI&feature=youtu.be
