Në vitin 2011 filloi transmetimin në Indi një nga serialet më të ndjekur, “Si ta quaj këtë dashuri” me protagonistë kryesorë “Kushi dhe Arnav”. Vitin e kaluar ky serial u transmetua edhe në Shqipëri dhe u pëlqye shumë nga publiku. Kanë kaluar 7 vite që nga prodhimi i këtij seriali dhe aktorja Daljet Kaur që luante rolin e “Anxhali” ka bërë një dedikim prekës në Instagram duke postuar disa foto ku ajo shfaqet në serial. “7 vite më parë mora një telefonatë ku më thanë se po bëhej një serial dhe donin që të shkoja në audicione. Nuk ndihesha mirë atë ditë prandaj refuzova dhe i thashë që nuk jam në gjendje ta bëj. Ai insistoi dhe u çova nga shtrati dhe shkova. Aty gjërat ndryshuan për pjesën tjetër të jetës sime. Nuk e dija që atë ditë duke vepruar kundër dëshirës sime mora vendimin më të bukur të jetës sime për tu bërë pjesë e diçkaje speciale dhe që më solli miq të rinj në jetën time. Si ta quaj këtë dashuri më dha disa nga skenat më të mira në karrierën time dhe u rrita si aktore. Kujtoj “Çoten” që më deshi sikur të isha qendra e botës, “Mbretëresha” fjalë për të cilën vdisja, pafajësinë e Anxhalisë nga Kushi, si Arnav dhe Akash më thërrisnin “Motër”, ah çfarë rrugëtimi. Faleminderit Gul Khan (regjisorja) që më dhe Anxhalinë”-shkruan aktorja Daljet Kaur./revistawho.com
