“SI TA QUAJ KËTË DASHURI”/ Kushi dhe Arnav i shprehin urrejtje njëri-tjetrit; Ja ç’do të ndodhë sot

Kushi debaton me Arnav. Ajo kërkon të dijë se përse ai e përfshiu në një situatë të tillë. “Ti je i lumtur, po e shijon apo jo? Duhet të jesh lumturuar shumë duke parë çdo lidhje që më mbante gjallë, të shkatërrohet. Mbeta jetime sërish”, i thotë ajo Arnavit dhe mundohet ta shtyjë. Arnav nuk e lejon dhe i kap duart me forcë. Ajo vritet nga shtrëngimi. Ai e kupton dhe e lëshon. Debati mes të dyve vazhdon dhe ata i shprehin urrejtje njëri-tjetrit. Në fillim Arna i thotë se të gjitha këto po ia bën ngaqë e urren. Kushi ia kthen me të njëjtën monedhë duke i thënë se ajo e urren gjithashtu dhe se ai nuk e meriton që dikush ta dojë. Arnav tronditet. Ai gjithashtu ndihet keq teksa sheh se Kushi po injorohet nga e gjithë familja dhe se Manorama e fyen atë. Ndërkohë Nani e lejon Kushin të bëhet pjesë e ritualeve familjare, pavarësisht mosaprovimit nga Manorama./ revistawho.com