Kushi shkon për t’u regjistruar në konkursin Miss India. Ajo sheh vetëm vajza moderne në radhë të cilat tallen me të. Vetëm njëra nga vajzat miqësohet me Kushin dhe i jep disa këshilla. Arnav shkon në shtëpi dhe pyet ku është Kushi. Gjyshja dhe Manorama nxjerrin justifikime për të mos i thënë të vërtetën. Kushit i vjen radha dhe del para jurisë për t’u prezantuar. Një prej jurisë e pyet pse do që të bëhet Miss India. Kushi i thotë se do që t’i provojë vetes se mund t’ja dalë dhe se mund të jetë e pavarur për të bërë çfarë të dojë. “Dua t’i tregoj bashkëshortit tim që nuk jam thjesht një bashkëshorte e mirë por kam personalitet gjithashtu” – thotë Kushi. Juria mahnitet nga përgjigja e Kushit. Një modele e veshur moderne vjen dhe injoron Kushin duke i thënë mos të japë leksione. Kushi largohet dhe shkon në shtëpi. Ajo ndihet keq që po ja mban fshehur Arnavit por i premton vetes se do t’ja thotë sapo të kalojë fazën e audicioneve. Arnav pyet Kushin ku ishte por ajo nuk i tregon të vërtetën shkruan revistawho. Arnav ka një surprizë për Kushin. Ai i ka sjellë një ushqim që ajo pëlqen por Kushi nuk e ha. Në mëngjes Kushi pret me padurim ta marrin në telefon. Atë e telefonojnë dhe i thonë se është përzgjedhur. Kushi gëzohet dhe i thotë të tjerëve se është përzgjedhur. Arnav vjen dhe pyet për çfarë është përzgjedhur. Kushi gjen një gënjeshtër dhe Arnav largohet. Kushi bëhet gati për të shkuar atje për raundin 2. Të gjithë i urojnë fat. Organizatorët e eventit thonë se sot do vijnë edhe sponsorët për t’i bërë pyetjeve modeleve. Kushi shqetësohet./revistawho.com
Si ta quaj këtë dashuri/ Kushi kalon fazën e parë në Miss India, ajo mahnit jurinë, ja ç’do ndodhë nesër
