Sham mundohet të largohet nga shtëpia teksa halla është duke fjetur. Ajo zgjohet dhe e pyet Shamin ku po shkon. Sham i thotë se nuk po shkon asgjëkundi por halla sheh çantën që ai mban në dorë. Sham i thotë se është një dhuratë. Ajo e pyet për kë është por në këtë moment vjen Kushi dhe Pajal. Kushi ankohet për Arnavin. Halla i bërtet që është bërë me bojë dhe i thotë të shkojë të pastrohet. Lavanja me kërkesën e Anxhalisë agjëron. Ajo bëhet gati të ha një patatinë kur Anxhali e merr në telefon. Lavanja trembet sepse sapo ishte duke thyer agjërimin. Anxhali i thotë asaj se duhet të vijë për ritualin në tempull e veshur me veshje tradicionale pra sari. Anxhali është e lumtur që Lavanja ka agjëruar. Manorama është duke përgjuar Anxhalinë duke folur në telefon me Lavanjën. Ajo shpreson që gjyshja të martojë Arnavin me Lavanjën që pas tij të martohet Akash. Anxhali i thotë gjyshes se edhe Lavanja ka agjëruar dhe se do vijë në tempull të thyejë agjërimin. Halla i jep Kushit dhe Pajalit sari për t’i veshur në mbrëmje. Sham vjen dhe habitet kur sheh Kushin të veshur me sari. Anxhali i vjen nga postieri një dhuratë nga bashkëshorti. Ajo bëhet gati dhe është e lumtur që do takojë atë pas shumë ditësh. Ndërkohë Sham i mrekulluar nga Kushi i bie nga dora çanta ku mban sarin për Anxhalinë. Kushi e pyet për kë është sari. Sham e anashkalon pyetjen dhe i thotë hallës se duhet të largohet patjetër. Halla shqetësohet sepse Kushi dhe Pajal nuk ka kush t’i çojë në tempull. Në shtëpinë e Arnavit të gjithë përgatiten për të shkuar në tempull. Arnav thotë se po vjen për hatër të Anxhalisë. Anxhali ndërkohë pret për bashkëshortin. Kushi shikon emrin e Anxhalisë në pjatën e lutjes dhe kupton që kanë ngatërruar pjatat. Edhe Anxhali e vë re këtë. Kushi dhe Pajal nisen për në tempull. Lavanja vjen në tempull e veshur me sari. Kur Kushi arrin në tempull përballet me Arnavin. Të dy nuk ja ndajnë sytë njëri tjetrit. Kushit i merren mendtë dhe i bie të fikët. Arnav e merr në krahë Kushin./revistawho.com
“Si ta quaj këtë dashuri”, Kushi përfundon përsëri në krahët e Arnav, ja çfarë do ndodhë të hënën
