Kushi është e lënduar dhe do që të largohet nga shtëpia Raizada por Lavanja vjen dhe e pyet çfarë ka ndodhur. Kushi i thotë se është mërzitur sepse puna e saj mbaroi dhe nuk do vijë më në këtë shtëpi. Ajo fshin lotët dhe përqafon Lavanjën. Më vonë Kushi merr vesh se ka qënë gjyshja ajo që dëshiron martesën e Arnavit me Lavanjën dhe mërzitet më shumë. Anxhali shkon në dhomë dhe i thotë Shamit se gjyshja ka pranuar që Arnav të martohet me Lavanjën. Sham gëzohet sepse tani Kushi nuk ka pse të vijë në shtëpinë Raizada. Anxhali detyron Shamin të dalë nga dhoma për të takuar të ftuarit. Gjyshja i thotë Lavanjës të telefonojë prindërit dhe të caktojë një datë për martesën. Kur Anxhali dhe Sham shkojnë tek të tjerët Kushi është larguar. Manorma thotë se nesër duhet të bëhet fejesa. Arnav bërtet dhe thotë se ai ra dakort të martohet por jo kaq shpejt. Ai largohet me nerva. Ndërsa është duke dhënë makinës Arnav sheh Kushin në rrugë. Ai ndalon dhe i thotë ta çojë me makinë. Gjatë rrugës Kushi e uron Arnavin për martesën dhe shtiret sikur është e lumtur për ata të dy. Arnav nxehet pasi nuk e priste këtë përgjigje nga Kushi dhe i thotë të dalë nga makina. Kushi del por shalli i ngec tek sedilja. Ajo hedh kuletën në makinë dhe tërheq shallin. Kushi vrapon për në shtëpi dhe e harron kuletën në makinë. Arnav kthehet për t’i dhënë kuletën Kushit. Ajo habitet kur e sheh në derë. Arnav takohet me mamanë dhe babain e Kushit dhe i thotë ta telefonojnë kur të kenë nevojë për diçka. Më pas Arnav i thotë Kushit se ajo i harron gjithmonë gjërat siç harroi byrzylykun dhe i thotë mos ta çojë nëpër mend që një burrë i pasur si ai do mbante byrzylykun e saj pasi ajo nuk ka asnjë kuptim për të. Kushi kujton momentin kur ai ishte gati ta puthte ndërsa Arnav i thotë se për të ajo është e parëndësishme. Kushi lëndon. Arnav largohet ndërsa Kushi qan në dhomë. Sham vjen dhe i pyet nëse i kanë ndezur dritat në oborr. Halla shkon t’i ndezë dhe bërtet kur lexon emrin e Shamit dhe Kushit në mur. Sham e bën më të madhe duke thërritur se kush e ka bërë këtë. Komshinjtë mblidhen aty dhe diskutojnë. Halla nxjerr Kushin nga dhoma dhe i thotë se kjo ndodhi për faj të saj. Nëse ajo do binte dakort për martesën më herët kjo s’do ndodhte. Kushi e lënduar nga fjalët e Arnav dhe nën presionin e hallës pranon të martohet me Sham./revistawho.com
“Si ta quaj këtë dashuri”, Kushi pranon të martohet me Shamin, ja ç’do ndodhë nesër
