Lavanja largohet përfundimisht nga shtëpia Raizada. Ajo u thotë familjarëve të mos fajësojnë Arnavin për ndarjen e tyre. Anxhali e mbështet Arnavin në vendimin e tij ndërsa familja mërzitet.
Në serial vjen personazhi i ri, Nand Kishore, nipi i Manoramës i cili vjen nga Sidnej. Arnav organizon një festë për Akashin dhe Pajalin. Kushi shkon atje e shoqëruar me nipin e Manoramës. Arnav inatoset.
Në ceremoninë Sangit që bëhet para dasmës, Anxhali merr një koreograf për kërcimin. Ai bën çift Kushin me Arnavin por Arnav refuzon të kërcejë me të.
Kushi kërcen sërish me nipin e Manoramës dhe Arnav nxehet. Ai nuk mund ta durojë dot faktin që Kushi kërcen me një mashkull tjetër dhe qëndron gjatë gjithë kohës me fytyrën e vrenjtur.
