Garima i thotë gjyshes se është penduar që ra në dashuri me djalin e saj por nuk e dinte që ai ishte i martuar. Gjyshja i thotë se ajo duhet të përballej me të dhe jo të fshihej sepse kjo tregon se është fajtore. Garima i lutet ta besojë por gjyshja i thotë se nuk do ta lejojë Kushin ta shkatërrojë jetën e Arnavit ashtu siç Garima shkatërroi jetën e babait të Arnavit. Ajo thotë se do i tregojë Arnavit të vërtetën dhe shkon tek ai. Gjyshja nuk po arrin të gjejë Arnavin pasi ai ka ikur me Kushin. Garima thotë me vete se duhet t’ja tregojë Kushit të vërtetën para se gjyshja t’ja tregojë Arnavit. Gjyshja pret që Arnav të kthehet. Arnav dhe Kushi kthehen të kapur për dore. Garima merr Kushin dhe i thotë se duhet t’i tregojë diçka të rëndësishme. Gjyshja e ndalon dhe çuditërisht i jep Kushit disa byrzylykë. “Je e mirëpritur në këtë shtëpi” –i thotë gjyshja. Të gjithë habiten dhe gëzohen. Gjyshja i thotë Kushit se këto byrzylykë kalohen brez pas brezi dhe ajo duhet t’i mbajë deri ditën e martesës. Sham nuk e kupton çfarë po ndodh shkruan revistawho.com. Më vonë Garima shkon tek gjyshja dhe i thotë se ajo ka një zemër të madhe. Gjyshja i thotë se nuk do që të përsëritet historia dhe se nuk do që familja të mërzitet. Kushi dhe Arnav përqafohen dhe thonë se janë shumë të lumtur. Ditën tjetër zhvillohet ahengu. Manorama dhe NK tregojnë si u njohën Kushi dhe Arnav. Ndërkohë Sham i tregon gjyshes foton e Garimas me babain e Arnavit dhe e pyet pse e lejon këtë martesë kur e di të gjithë këtë. Gjyshja i thotë se po luan dhe se nuk e ka falur Gariman por do i bëjë vajzat e saj të paguajnë. Të gjithë janë duke kërcyer në aheng. Gjyshja dhe Sham shkojnë atje. Shamit i vjen një zarf. Ai ka çuar foton e vjetër të Garimas dhe babait të Kushit për ta kthyer në të re. Anxhali vjen dhe ja merr zarfin Shamit. Ajo e hedh në tavolinë dhe e merr Shamin të kërcejë. Sham është i shqetësuar për zarfin./revistawho.com
