“Si ta quaj këtë dashuri”, një incident bashkon Kushin dhe Arnavin, ja çfarë do ndodhë nesër

Kushi, Pajal, Sham dhe halla festojnë ditëlindjen e Pajalit. Kushi i jep Pajalit dhuratën e Akashit. Arnav telefonon Kushin dhe i thotë se po dërgon shoferin tek shtëpia e saj me një dokument që duhet të përfundojë deri nesër në mëngjes përpara se të fillojë punë. Kushi punon gjithë natën. Në mëngjes ajo shkon në shtëpinë e Arnavit për t’i dorëzuar punën. Anxhali e pret shumë mirë Kushin ndërsa Manorma fillon nga pyetjet. Anxhali i tregon Kushit rrugën për të shkuar në dhomën e Arnavit. Kushi shkon atje dhe e gjen Arnavin duke ujitur lulet. Arnav kthehet dhe gati sa nuk përplaset me Kushin. Të dy shpëtojnë njëri tjetrin që mos bien në pishinë. Anxhali vjen dhe pyet çfarë ndodhi. Të dy fillojnë të grinden me njëri tjetrin se kush shpëtoi njërin e kush tjetrin. Arnav pyet Anxhalin nga e njeh Kushin. Anxhali i thotë se Kushi ka sjellë njëherë fustane. Ajo e fton Kushin të hanë mëngjes së bashku. Kushi i ka zënë vendin Arnavin. Gjyshja është shumë e dashur me Kushin dhe i thotë Arnavit të ulet në vend tjetër. Arnav merr një telefonatë dhe largohet. Kushi i tregon gjyshes së Arnavit për lidhjen e tij me Lavanjën. Gjyshja habitet. Manorma dëgjon bisedën e tyre. Arnav shkon tek ato dhe gjyshja i thotë atij të kthehet herët në shtëpi sepse ka për të folur me të. Ajo i thotë Kushit të vijë përsëri pasi është mirë kur flet me njerëz nga Laknou. Gjyshja i thotë Arnavit ta shoqërojë Kushin në zyrë. Arnav largohet. Kushi e ndjek. Arnav ndalon dhe e pyet Kushin si guxoi të vinte në shtëpinë e tij. Kushi i thotë se ai i tha të vinte. Arnav i thotë mos ta çojë në mendje se ajo do hipë me të në makinë dhe i thotë të kapë autobuzin. Anxhali habitet kur merr vesh nga Manorma se Kushi i ka treguar gjyshes për lidhjen e Arnavit dhe Lavanjës. Gjyshja merr në telefon Lavanjën dhe i thotë të takohen për gjysëm ore por mos t’i thotë Arnavit. Arnav e thërret Kushin në zyrë. Ai i bërtet që ajo i ka treguar gjyshes për lidhjen e tij me Lavanjën. Kushi i thotë se nuk e dinte që ai nuk i kishte treguar. Arnav i flet Kushit me fjalë të rënda duke e ofenduar dhe Kushi mbush sytë me lot. Arnav i thotë se tani e tutje ajo do punojë në shtëpinë e miqve dhe atij nuk do i duhet ta shohë fytyrën e saj çdo ditë. Kushi shkon në shtëpinë e miqve e cila është e rrënuar. Kushi ngec brenda shtëpisë. Ajo thërret për ndihmë. Në shtëpinë e Kushit janë të shqetësuar pasi ajo nuk po kthehet. Pajal dhe Sham shkojnë në vendin ku punon Kushi dhe kërkojnë numrin e Arnavit që ta pyesin ku është Kushi.Arnav shkon në shtëpi dhe përballet me Lavanjën. Ajo i thotë se e ka telefonuar gjyshja e tij. Të gjithë mblidhen aty dhe Arnav thotë se ato nuk mund ta detyrojnë të martohet./revistawho.com