“Si ta quaj këtë dashuri”, policia kërkon Kushin, ja çfarë do ndodhë nesër

Halla mundohet të bindë Shamin të shkojë me to në shtëpinë Raizada për ritualin por ai nuk pranon. Halla shkon me Pajalin. Sham merr Anxhalinë në telefon dhe i thotë se nuk mund të vijë për ritualin pasi sot operohet shoku i tij. Anxhali mërzitet por me pas e kalon kur vjen halla dhe Pajal. Gjyshja me hallën diskutojnë për Laknou. Pajal dhe Akash i hedhin shikime njëri tjetrit. Akash i thotë Pajalit se i pëlqeu ëmbëlsira që kishte bërë ajo. Kushi merr Pajalin për t’i treguar shtëpinë. Gjyshja i thotë hallës se Kushi i ka ndriçuar shtëpinë me prezencën e saj. Lavanja vjen e veshur me një fustan të shkurtër dhe halla habitet ndërsa gjyshja turpërohet. Në derë shfaqet policia. Ata kërkojnë Kushin. Akash i pyet çfarë duan sepse askush nuk i thirri. Policët thonë se i ka thirrur Lavanja. Të gjithë habiten. Manorama dhe Lavanja e quajnë Kushin hajdute. Policët thonë se do kontrollojnë shtëpinë ose Kushi duhet të shkojë me ta në rajon. Gjyshja flet në favorin e Kushit. Ajo i thotë policëve të kontrollojnë Lavanjën më mirë. Arnav vjen dhe merret vesh me policët të cilët largohen. Anxhali thotë se ishte e gjitha keqkuptim. Gjyshja i kërkon faljë hallës dhe e fton për ritualin. Kushi i thotë Lavanjës të bindë Arnavin të vijë në ritual në mënyrë që t’i lërë përshtypje të mirë gjyshes. Lavanja shkon tek Arnav për t’i thënë por ai i bërtet. Kushi i thotë Lavanjës një tjetër ide. Teksa Arnav është duke punuar në dhomë dritat fiken. Ai shkon për të ndezur dritat dhe i gjen të gjithë të mbledhur për ritualin. Anxhali i lutet Arnavit të bashkohet me ta. Arnav pranon. Pas ritualit Lavanja i thotë Kushit mos të tregojë që plani ishte i saj. Arnav e dëgjon këtë. Ai e merr Lavanjën në dhomë dhe i bërtet. Ai i thotë se po bëhet si Kushi./revistawho.com