“Si ta quaj këtë dashuri”, Sham ka një kërkesë për Kushin, ja çfarë do ndodhë nesër

Menaxheri refuzon të paguajë Kushin dhe Pajalin. Ai flet me Arnavin që ëmbëlsirat mos të shpërndahen. Anxhali flet me Shamin në telefon dhe i thotë të kthehet shpejt. Ajo është e mërzitur. Gjyshja dhe Arnav i qëndrojnë pranë. Gjyshja lavdëron Kushin që di të flasë bukur ndryshe nga Lavanja. Manorama i ankohet Anxhalisë dhe gjyshes për ëmbëlsirat. Kushi dhe Pajal mërziten pasi puna i shkon dëm. Nga inati Kushi merr gatuan xhalebi me shumicë siç bën gjithmonë kur është me nerva. Pajal i thotë të ndalojë pasi nuk është shtëpia e saj. Anxhali, gjyshja dhe Manorama shkojnë në kuzhinë. Manorama i bërtet Kushit që po harxhon gjërat e shtëpisë ndërsa Anxhali provon xhalebitë dhe i pëlqejnë shumë. Ajo i thotë Kushit t’ja shpërndajë të ftuarve. Gjyshja i thotë Anxhalisë se është e impresionuar me Kushin. Ndërkohë Kushi dhe Pajal kthehen në shtëpi dhe i tregojnë hallës për ëmbëlsirat. Halla shqetësohet. Lavanja vjen e dehur. Ajo ofendon gjyshen dhe krijohet një situatë e sikletshme. Lavanjës i bie të fikët. Arnav kujdeset për të. Manorama dhe Anxhali mundohen të qetësojnë gjyshen, por ajo është e ofenduar nga Lavanja. Gjyshja duke folur me Manoramën lavdëron Kushin. Në këtë moment vjen Lavanja për të kërkuar falje. Teksa Kushi është duke fjetur Pajal sheh që asaj i mungon byrzylyku i këmbës. Arnav shkon pranë pishinës dhe gjen byrzylykun e Kushit. Ai vështron byrzylykun dhe mendon për Kushin dhe momentet e saj në shtëpinë Raizada. Sham dhe Anxhali ndodhen në dhomën e tyre. Sham mendon për Kushin ndërsa Anxhali mendon si të gjejë një zgjidhje për Lavanjën. Të dy e gjejnë zgjidhjen. Në mëngjes Sham shkon në shtëpinë e Kushit dhe i kërkon të kthehet në Laknou. Qëndrimi i Kushit në Deli është i rrezikshëm për Arnavin pasi ajo mund ta shohë me Anxhalinë. Ai i thotë Kushit të shkojë në Laknou. Edhe Anxhali shkon tek shtëpia e Kushit bashkë me Manoramën. Sham i shikon ato duke ardhur dhe do që të arratiset./revistawho.com