Sapo lexoni këtë titull menjëherë bëhët lidhja me filmin e famshëm, hit të vitit 2003, me aktorët kryesorë Kate Hudsun dhe Mathew McConaughey. Ndryshe nga filmi i cili pati një fund të lumtur, në këtë artikull do të lexoni arsyet e vërteta të cilat ju largojnë nga partneri juaj. Nëse jeni duke dalë me dike i cili nuk ju pëlqen por nuk keni gjetur akoma mënyrën e duhur sesi të shkëputeni prej tij, ju këshillojmë të silleni në këtë mënyrë dhe do t’ia arrini qëllimit. Nëse do të shihni “anën tjetër të medaljes”, pra, nëse po dilni me dike dhe nuk do të donit të largoheshit për asnjë motiv, atëherë është shumë e thjeshtë; mos u sillni kurrë në mënyrat e renditura më poshtë.
Ja si duhet të silleni për të larguar një mashkull për 10 ditë:
- Shkrepni një foto me të. Pyeteni nëse foto që sapo bëtë e ka këndin e dritës të mirë, nëse filtri që sapo i vutë është duhuri, po ngjyrat mos janë pak të errëta, po ai vetë cilin filtër do zgjidhte? Mos është më mirë lloji “sepie” se “bardh e zi”, apo ngjyrat e ndezuara janë të duhurat? Pasi të keni provuar 400 opsionet dhe filtrate e mundshme, thjesht vendoseni foton në profilin tuaj të Facebook-ut, Instagramit, kudo…
- Bëjini kërkesë për miqësi të gjithë pjestarëve të familjes dhe jo vetëm. Në kërkesë përfshini edhe miqtë dhe farefis. Kujdes! Më parë ndryshoni statusin tuaj nga “single” në “një marrëdhënie”.
- Shihni me të një ndeshje futbolli. Flisni pa fund gjatë ndeshjes, sigurisht duke komentuar lojtar më të bukur të skuadrës kundërshtare.
- I keni shkruar në Viber dhe ai nuk ju ka kthyer përgjigje? Shumë e thjesht. Çmendeni me emoi, kryesiht fytyra të mërzitura ,duke qarë, apo të skuqura nga nervat.
- Pyeteni se ku ndodhet dhe nëse është duke luajtur bilardo, apo duke parë një ndeshje futbolli vetëm me meshkuj thjesht ju duhet të shkoni në vendin ku ndodhet. Pasi “të suprizohet” nga prezenca juaj, shpjegoi arsyet e ardhjes suaj në sy të shokëve. Arsyeja duhet të jetë e tipit “mendova se mos ishe me ndonjë tjetër dhe erdha për të të kontrolluar. Unë ta bëj 8 me 2 ty”. Sigurisht, e gjitha kjo shoqërohet me një të qeshur “djallëzore” në fund.
- Ekploroni aplikacione në rrjete sociale të cilat ju zbulojnë se “kur do të martoheni”. Pasi të aplikosh, bëji tag personit që po dilni, dhe shoqëroje me një status “mallëngjyes”.
- Dizenjo fustanin e martesës i cili duhet të jetë i tmerrshëm. Tregoi dhe bëji të ditur siç do femër edhe ti ke dëshirë të martohesh dhe të veshësh fustanin e bardhë sa më shpejt.
- Pyete herë pas here për ish të dashurat. Krahëso sjelljet e tua me të tyre. Bëji pyetje të tipit: “Po ajo që ke patur, i kishte qejf këpucët “Louboutin” njësoj si unë?”
- Në sy të tij, tento t’i kontrollosh telefonin.
- Tani ka ardhur moment t’i bëni të ditur se ju i dashuroni fëmijët, dhe do të dëshironit të kishit një fëmijë me të, tani, në këtë moment.
Të jeni të sigurta, se pasi të keni ndekur këshillat e sipërpërmendura ai nuk do të jetë më prezentë në jetën tuaj, përgjithmonë. Tani ju do të jeni e lirë për të nisur një marrëdhënie të re, por tani duke ditur se çfarë sjelljesh e bëjnë një mashkull të largohet me shpejtësinë e erës.
