Çdo grua dëshiron të ketë lëkurë të pastër, rrëzëlluese dhe plot vitalitet. Shpesh herë kjo kërkon shpenzim, por ju mund të përkëdhelni lëkurën tuaj me disa ingredientë natyralë të cilët mund t’i bëni në kushtet e shtëpisë. Çdo njeri ka specifika lëkure të veçanta, kështu që këta ingredientë duhen përdorur në përputhje me nevojat dhe tipin e lëkurës tuaj. Gjëja më e rëndësishme që duhet të dini përpara aplikimit, është larja fytyrës me ujë të bollshëm, në mënyrë që të mos keni papastërti. Ingredientët dhe benefitet në mënyrë detajuar i zbulon më tej dermatologia, Dr. Migena Gega, në një intervistë për “revistawho.com”.
Kush është tipi i lëkurës tuaj?
Përgjithësisht njerëzit kane katër tipe lëkure:
- lëkurë normale
- lëkurë e yndyrshme
- lëkurë e thatë
- lëkurë e kombinuar
Procedurat për një lëkurë normale:
Maska me lëng domate ose lëng portokalli dhe gjizë
Benefitet e kësaj maske:
Heqje e qelizave të vdekura dhe rinim i lëkurës
Reduktim i njollave kafe
Parandalim i rrudhave
Ingredientët: lëng domateje ose portokalli, gjizë
Përgatitja dhe përdorimi:
Përzieni lëng domate ose portokalli me 2 lugë gjellë gjizë. Pasi të jetë krijuar një përzierje e njëtrajtshme, masazhojeni lehtë në gjithë fytyrën. Lëreni të pushojë për 10-15 minuta, pastaj shpëlajeni me kujdes me ujë të ftohtë.
Ky është një kombinim shumë i mirë, për të patur një lëkurë të shëndetshme. Gjiza vepron duke larguar qelizat e vdekura nga lëkura juaj, ndërkohë portokallet janë të pasura me vitamine C që i jep lëkurës shkëlqimin natyral. Kjo maskë është e rekomanduar të përdoret 2-3 herë në javë.
Procedura për lëkurë të yndyrshme:
Ingredientët:
3 lugë miell
2 lugë qumësht i ngrohtë
2 lugë ujë trëndafili
2 lugë mjaltë
Përdorimi:
Përzieni ujin e trëndafilit dhe mjaltin në qumështin e ngrohtë. Me ngadalë shtoni miellin duke e përzierë. Lëreni të ftohet përzierjen e përgatitur, pastaj aplikojeni në gjithë fytyrën. Lëreni të thahet për 10-15 minuta, pastaj shpëlajeni me ujë të ftohtë.
Mielli ndikon në rigjenerimin e lëkurës tuaj dhe pakësimin e yndyrës. Përbërësit e tjerë ndihmojnë në pakësimin e njollave dhe zbardhjen e lëkurës.
Maska me kastravec, qumësht dhe lëng limoni.
Përbërësit:
Qumësht
kastravec
lëng limoni
Përdorimi:
Përzieni 2 lugë qumësht dhe 2 luge lëng kastraveci, si dhe 2 pika lëng limoni. Aplikojeni përzierjen me pambuk në fytyrë. Lëreni të thahet dhe pastaj shpëlajeni me ujë të bollshëm.
Qumështi dhe kastraveci ndihmojnë shumë lëkurën e yndyrshme, duke pakësuar yndyrën si dhe duke zbehur njollat kafe në fytyrë.
Lëkura e thatë:
Maska me aloe vera, lëng trëndafili dhe limon
Përgatitja:
Përzieni 3 pika lëng trëndafili dhe 2 pika limon në xhel aloe vera. Aplikojeni përzierjen në lëkurë për disa minuta. Lëreni atë ta përthithë lëkura juaj, pastaj shpëlajeni me ujë të bollshëm.
Aloe vera është përbërës shumë i mirë sepse hidraton lëkurën tuaj./revistawho.com
