Nëse po kërkoni mënyra të reja për të manifestuar të ardhmen tuaj, mund të mendoni të ndryshoni ngjyrën e thonjve. Çdo nuancë ka një kuptim të ndryshëm shpirtëror, dhe për këtë arsye mund t’ju ndihmojë të vizualizoni dhe manifestoni të ardhmen tuaj nga maja e gishtave.
Si lidhet ngjyra me manifestimin?
“Çdo ngjyrë ka një energji vibruese që mund të përmirësojë qëllimet tona,” ka thënë Sarah Potter, një astrologe e njohur.
“Kur përdorim ngjyrën me vetëdije, ne mund të shfaqim dëshirat tona, të ndryshojmë mënyrën se si ndihemi dhe të ndryshojmë energjinë. Ne të gjithë lidhemi me ngjyrat; të gjithë e dimë se me cilat ngjyra jetojmë dhe cilat shmangim. Kjo reflekton energjinë me të cilën po punojmë dhe atë që na nevojitet për t’u ndjerë të ekuilibruar.”
Ka një ngjyrë për çdo qëllim, shton ajo. E kuqja, për shembull, lidhet me besimin, ndërsa portokallia e mandarinës rrit kreativitetin dhe frymëzimin. Kështu, lyerja e thonjve me ngjyra të veçanta ju ndihmon ta shfrytëzoni atë energji, ndërkohë që i shihni ato ngjyra çdo ditë mund të ndikojë në këndvështrimin tuaj – pavarësisht nëse besoni apo jo në manifestim.
Cilat janë kuptimet e secilës ngjyrë?
“Doni ngritje në detyrë? Lyeni thonjtë tuaj me të kuqe për t’i dhënë vetes besimin për t’i kërkuar shefit tuaj një promovim. Ndiheni të shkëputur nga intuita juaj? Lyejini thonjtë ngjyrë lejla për t’i besuar vetes dhe mençurisë suaj të brendshme”, thotë Potter.
Nëse keni një intervistë pune të ardhshme, Stardust këshillon ngjyrën portokalli.
“Portokallia është ngjyra e krijimtarisë, prandaj në shumë punë në të cilat njerëzit përdorin aftësitë e tyre krijuese, është e rëndësishme ta përdorin atë ngjyrë, thotë ajo.
Këtu janë ngjyrat dhe çfarë manifestojnë:
Koral: pasion dhe optimizëm.
E kuqe: kreativiteti dhe fuqia.
Vjollcë: mençuri dhe pavarësi.
Blu: liria dhe imagjinata.
E zezë: mbrojtje dhe elegancë.
E bardha: mendje e hapur dhe pastërti.
E verdha: lumturi dhe guxim.
E gjelbër: rritja dhe rilindja.
Portokalli: shprehje dhe gëzim.
Gri: ekuilibër dhe paqe.
Ari: suksesi dhe bujaria.
Argjendi: tërheqje.
Kafe: siguri dhe besueshmëri.
