Kush i ka flokët gështenjë apo bionde e errët dhe dëshiron t’i zbardhë me metoda natyrale, le t’i thotë lamtumirë produkteve agresive dhe trajtimeve profesionale. Vërtetë këto të fundit na dhurojnë një rezultat të dukshëm e të shpejtë, por njëherësh edhe na i shkatërrojnë flokët. Më poshtë mund të lexoni se si t’i ‘dekoloroni’ flokët tuaja pa dalë fare nga dera e shtëpisë.
Përbërësit
Mjaltë
Limon
Balsam
Krëhër
Letër kuzhine trasparente
Përzieni në një enë një lugë mjaltë dhe dy balsam. Më pas shtojini lëngun e një gjysme limoni. Miksoni preparatin derisa të marrë një pamje kremoze dhe homogjene. Aplikojeni në flokë. Krihni flokët me kujdes në mënyrë që kremi të depërtojë njëtrajtësisht në të gjithë kokën nga rrënjët tek maja. Mbulojeni kokën me letër kuzhine transparente. Lëreni të veprojë për 40 minuta, duke ia rritur efektin edhe me ndihmën e tharëses. Nxehtësia do të shpejtojë procesin. Në fund shpëlajeni kokën dhe “voila”, ngjyra e flokëve tuaj do të jetë më e çelët, sidomos tek majat.
