Ndërkohë që po përpiqej të shkonte drejt makinës së saj, Miley Cyrus u kap në befasi nga një prej fansave të saj, i cili e puthi me forcë këngëtaren. Kjo situatë ndodhi 2 ditë më parë në qytetin e Barcelonës dhe mori vëmendjen e të gjithë mediave.
Ashtu siç është bërë e ditur, djali nuk ka pasur qëllim për ta dëmtuar Cyrus, megjithatë ky veprim u konsiderua nga të gjithë i tepërt. Një burim zbuloi se Miley ishte shumë konfuze dhe se çdo gjë ndodhi shumë shpejt, sa 27-vjeçarja nuk pati kohë të frikësohej.
Menjëherë pas situatës së ndodhur, Cyrus u zemërua dhe u përpoq të largohej sa më shpejt. Fatmirësisht gjatë këtyre momenteve, pranë këngëtares ndodhej partneri i saj, Liam Hemsworth, i cili e shoqëroi për në makinë. Ky gjest i fansit të këngëtares është komentuar gjatë në rrjet, ndërsa vetë Miley nuk ka deklaruar ende asgjë lidhur me këtë çështje./revistawho.com
