Sia “detyron” rrjetin e restoranteve të dhurojë ushqim për të pastrehët

Këngëtarja e njohur, Sia, herë pas here ka ndërmarrë nisma bamirësie në ndihmë të njerëzve në nevojë apo të komuniteteve të keqtrajtuara në Amerikë. Së fundmi këngëtarja ka detyruar rrjetin e restoranteve ‘Pizza Hut’ të dhurojnë ushqim për një javë tek të gjithë të pastrehët. Në një postim të saj në ‘Twitter’ Sia ka shkruar: “Pizza Hut a mund të dhuroni sa më shumë pica gjatë gjithë kësaj jave në komunitetin e njerëzve të pastrehë në vendin tuaj”. Këngëtarja mori menjëherë përgjigje pozitive dhe kjo gjë e lumturoi pa masë. Duke ditur fuqinë e saj, më parë ajo kërkoi edhe ndihmën e hoteleve dhe të gjithë fansave për të ndihmuar njerëzit që kanë nevojë me gjithçka që munden. Kjo nuk është hera e parë që këngëtarja mundohet të bëjë diçka për të tjerët. Rreth 5 vite më parë ajo dhuroi të gjithë paratë e fituara nga kënga me Eminem, ‘Beautiful Pain’, për qendrën e gay-ve dhe lezbikeve në Los Angeles. /revistawho.com