Sidrit Bejleri ka qenë i ftuar pasditen e sotme në ‘BE Caffee’ në ‘Klan Tv’. Temë kryesore e bisedës ishte programi i tij televiziv që mban emrin ‘Shqiptarët për Shqiptarët’, i cili i dedikohet njerëzve në nevojë dhe mbledhjes së ndihmave për ta. Këngëtari tregoi gjatë rrëfimit për këtë nismë edhe padrejtësitë që ka parë, madje ka njerëz që përfitojnë nga emri i tij dhe i programit. Ka qenë vetë Sidriti ai që i ka zbuluar, pasi personat në fjalë nuk e kanë njohur ‘të maskuar’ me syze dhe kapele. Bejleri ka sqaruar që programi nuk ka staf në terren, vetëm numrin e llogarisë që bëhet publik në çdo puntatë.
Kujtojmë se këngëtari shkodran është në transmetim me ‘Shqiptarët për Shqiptarët’, çdo të premte në orën 21:00 në ‘News 24’. / revistawho.com
