Gjatë një paraqitjeje në një emision televiziv francez, Rita Ora u përfshi në një lojë muzikore që testonte njohuritë e të ftuarve për hitet ndërkombëtare. Në mesin e këngëve që u transmetuan, ra edhe një këngë e Dua Lipës — dhe reagimi i Ritës nuk kaloi pa u vënë re.
Pa humbur shumë kohë, ajo e identifikoi zërin e koleges së saj, duke thënë se bëhej fjalë për këngën “Houdini”. Ky moment u prit me duartrokitje dhe buzëqeshje nga panelistët, ndërsa publiku reagoi menjëherë në rrjete sociale.
Raporti mes dy artisteve shqiptare ka qenë shpesh temë diskutimi në media për shkak të zërave për një rivalitet të heshtur mes tyre. Megjithatë, ky moment televiziv tregoi një anë tjetër të Ritës — atë të profesionalizmit dhe respektit ndaj koleges nga Peja.
Edhe pse disa komentues online vunë re se ajo ndoshta “priti pak” për të dhënë përgjigjen, pjesa më e madhe e fansave e interpretuan si një shenjë lozonjare, që vetëm sa shtoi hijeshinë e skenës.
