Silva Gunbardhi tregon si jetojnë: S’jemi të pasur nga muzika, Dafi është student e Dalvi ka vetëm shpenzime

Dashuria e tyre që lindi gjatë bashkëpunimit të superhitit “Të ka lali shpirt” është nga ato lidhje që të gjithë e dëshirojnë t’u ndodhë në jetë. Këngëtarja mjaft e pëlqyer nga publiku, Silva Gunbardhi dhe partneri i saj po këngëtar Dafi Derti, tani janë prindër të një djali. Në një intervistë për revistën “Story” Silva ka rrëfyer jetën e saj prej artisteje që u komentua më shumë se çdo këngëtar tjetër për fitimet nga kënga “Të ka lali shpirt”, dashurinë dhe jetën e re pas ardhjes në jetë të vogëlushit. Artistja tregon se me punën si këngëtarë, është e vështirë të bëhesh e të quhesh i pasur. Sipas Silvës shpenzimet janë të mëdha e po të kishte qenë aq e pasur sa përflitet, do e kishte bërë shumë më herët ndërhyrjen në sy. “S’është aspak e vërtetë që jam e pasur dhe këtë e tregon fakti që kisha 10 vite që mbaja lente në sy dhe për shtatë vite asnjë vizitë nuk kisha bërë e jo më operacion. Arsyeja? Po ja unë punë të reduktuar, Dafi student, djali ynë Dalvi vetëm shpenzime, imagjinojeni vetë! Nëse do të mund të shihnit dërgesat e mia mujore në bankë, nuk do u besoni syve. Po të isha e pasur do të bëja pushime… Shikojeni faqen time të Facebook-ut, ku dal në foto vetëm për punë. Do të vishesha ndryshe. Do të ndihmoja njerëzit e afërt etj”, ka thënë ndër të tjera këngëtarja.