Evi Reçi dhe Ervin Gonxhi kanë bashkëpunuar për një projekt të ri muzikor. Kënga mban titullin “Play the violin” dhe vjen me melodinë e violinës së Ervinit dhe zërin melodioz të Evit që ndërthurur së bashku përcjellin shumë emocion. Videoklipi i xhiruar në bukuritë shqiptare të Bovillës është një art më vete. Evi shfaqet e veshur me të kuqe, me simbole ilire tek balli dhe përcjell një mesazh shumë të bukur duke bërë lutjet fetare katolike, ortodokse dhe islame.
Pikërisht për këtë fragment nga klipi, Evi ka marrë shumë mesazhe, të cilave u është përgjigjur duke sqaruar: “Pë rata qëmë kanë pyetur për simbolikën e kësaj skene! (Dhe faleminderit se e kisha shumë të rëndësishme) jeni shumë të vëmendshëm. Në këtë fragment kam bërë kryqin katolik, kryqin ortodoks dhe lutjen islame duke dashur kështu të sjell në një mënyrë artistike dhe realitetin e historisë shqiptare (tolerancën fetare) nën simbolet ilire që kam tek balli! Ju dua shumë”.
