Prova javore e vendosur nga “Vëllai i Madh” ka të bëjë me përkujdesjen që duhet të tregojnë banorët për fëmijët e sapolindur. “Big Brother” ka vendosur se prindërit e parë të dy fëmijëve do të jenë Damiano dhe Musa, por pak momente para se të bëheshin “prindër”, Musa u shpreh se “Kush është ai i çmendur që na lë fëmijë ne”, pa e ditur që ai vetë do të ishte prindi i ri. Si Damiano edhe Musa, duket se nuk kanë eksperiencë në mbajtjen e fëmijëve që nga mënyra se si mbajnë bebet e vogla duke u dhënë njëri-tjetrit edhe këshilla se si të sillen me ta. Ata duhet të kujdesen për fëmijët e tyre, t’i ushqejnë, t’i lëkundin, t’i ndërrojnë dhe t’i vëjnë në gjumë si provë e përcaktuar nga Big Brother. Si dy prindër të mirë, Musa dhe Damiano u kanë vendosur edhe emra fëmijëve të tyre, për të cilët kanë detyrën të përkujdesen. Vajza e Damianos, quhet Simela, emër të cilin ai duket se ia ka vendosur në respekt të partneres së tij, Armelës. Ndërsa Musa i ka vënë një emër më të thjeshtë, por gjithashtu shumë të bukur vajzës së tij, Sofia. Më pas detyra për përkujdesjen e bebeve u ka kaluar Vivit dhe Katerinës, të cilat duhet t’i lajnë dhe ndërrojnë ato. Vivi duket se has vështirësi në pastrimin, larjen dhe ndërrimin e foshnjave. Ndërkohë që Katerina duket se ka më tepër eksperiencë në këtë fushë dhe e ndihmon Vivin që të kujdeset për “vajzën” e saj. Pas tyre radhën e ka pasur Olsi dhe Danjeli për t’u përkujdesur për “bebet”, edhe pse ka një lodër në dorë, Olsi i jep këshilla për jetën. Teksa Fiorentina i thotë “foli për jetën, dashurinë”. Olsi i thotë “fëmijës” së tij se “Dëgjo babin, asnjëherë mos u fut çift, futu tek, se del nominim dysh pastaj”, duke vënë në dukje edhe njëherë problematikën e tij si çift me Fiorentinën.
