Pas përfundimit të eksperiencës në “Isola dei famosi”, prezantuesja italiane Simona Ventura po shijon familjen e saj. Në orët e fundit, mendimi më i ëmbël i moderatores shkon pikërisht për “princeshën” e saj që sot ka mbushur 10 vjet. “Kaluan për një çast. Erdhe në jetën tonë e gjithçka mori më shumë kuptim, më shumë ngjyrë, më shumë drejtim”, shkruan Simona për të bijën e adoptuar. Caterina është ligjërisht vajza e Simonës prej vitit 2014. Prezantuesja ka edhe dy djem nga martesa e saj e parë. Duke folur në një intervistë lidhur me birësimin e vajzës, Simona tregonte: “Ajo ka dy mama. Jam unë dhe nëna e saj biologjike, një e afërme e imja që nuk mundi dot ta mbante. Është e komplikuar por e mundur. Është shumë bukur!”
