Pjesë e intervistës së Sejdi Qalliut dhe Sinan Hoxhës në emisionin ‘Xing me Ermalin’ kanë qenë dhe pyetjet nga Facebook të cilat realizohen nga publiku ditë më parë për të marrë përgjigje ditën që të ftuarit mbërrijnë në studio. Të përfolur kaq shumë për bashkëpunimet e më pas prishjen e miqësisë mes tyre e cila u sqarua se ishte vetëm në sferën profesionale, ata u pyetën edhe për aspekte të tjera. “Si flini në hotel kur keni koncerte të përbashkëta?”, pyeti artistët Mamaqi, teksa lexonte pyetjet e publikut. “Ndodh ndonjëherë kanë vetëm një dhomë bosh. Zakonisht shkojmë të pyesin në ndonjë hotel tjetër. Në fakt e kemi pasur një episod të tillë dhe hoteli tjetër kishte vetëm një dhomë të lirë. Pyeta nëse krevati ishte tek apo dopjo dhe kur na njoftuan për dopjo u sajuam bashkë, pasi nuk kishim alternativë tjetër, por jo pa vendosur shumë jastëkë në mes”, – ka thënë Sinan Hoxha me humor.
Burimi: xing.al
