Këngëtarit të njohur Sinan Hoxha iu ofrua të ishte pjesë e edicionit të katërt të “Big Brother VIP Albania”, por ai nuk pranoi.
I ftua në emisionin “Ndryshe” në Top Albania Radio, në rubrikën e telefonatës kurth Sinani nuk e pranoi ftesën.
“Është e pamundur për një mijë e një arsye. Unë e kam axhendën premte, shtunë, diel. Iki në Amerikë një muaj. Iki në Australi. Super plot”
Për t’i mbushur mendjen, atij iu tha se edhe këngëtarja e mirënjohur, Artjola Toska, ka pranuar për të qenë pjesë. Përgjigja e tij ishte epike dhe e gjithë studio shpërtheu në të qeshura.
Sinani: Artjola Toska është në Big Brother?
Edea: Po!
Sinani: Dëgjo, nëse Artjola Toska është në Big Brother, unë do dal pa brekë në sheshin Skënderbej.
Edea: Vërtet?
Sinani: Po, një muaj për ju.