Këngëtari i mirënjohur, Sinan Hoxha që tani bën jetën që çdokush do ëndërronte, ka treguar për herë të parë vështirësitë më të mëdha që ka kaluar në adoleshencë. Sinani ka qenë i ftuar mbrëmjen e kaluar në emisionin investigativ, ‘Boom’ dhe ka treguar për publikun disa detaje shumë të dhimbshme nga jeta e tij. “Kam ikur për në Greqi në vitet 90. Isha 14-15 vjeç dhe kemi kaluar mes maleve, në baltë e shi. Kur arritëm atje më pa një familje dhe më morën në shtëpi. Më thanë që do laja makina, por më shumë më morën se ju erdhi keq për mua”, -ka treguar ai.
Më tej Sinani zbulon se si ikja në Greqi e prezantoi me gjëra që nuk i kishte parë kurrë më parë.
“Ajo ka qenë dita që kam parë dush. Në Shqipëri nuk dinim çfarë ishte, se laheshim me kanoçe. Nuk dija si të përdorja dhe u lava me ujë të ftohtë”, -ka thënë më tej Sinani.
Në fund këngëtari tregoi se puna që bëri në Greqi dhe gjithë sakrificat bën që të mblidhte mjaftueshëm para sa për të hapur biznesin e parë, një furrë buke në Tiranë./revistawho.com
