“Gjysma e Elbasan Arena është me shqiptarët nga Kosova. Ata janë tifozët më të flaktë të kombëtares që e kanë mbështet në çdo ndeshje kombëtaren. Prandaj meritojnë të jenë aty. Falë dhe tifozëve nga Shqipëria që kanë siguruar bileta për vëllezërit e tyre nga Kosova. Kaq kisha mundësi t’ju siguroja miqtë e mi nga Kosova. Rrespekt!”. Janë këto fjalët e këngëtarit shqiptar Sinan Hoxha që shoqërojnë një foto me bileta të ndeshjes Shqipëri-Serbi. Këtë foto e ka publikuar artisti në llogarinë e tij të Instagram. Ai ka dhënë kontribut që t’u sigurojë disa bileta futbolldashësve të Kosovës pasi sipas Sinanit, ata janë më të flaktët. Më tej ylli i muzikës popullore i ka uruar suksese kuqezinjve përmes një poze me bashkëshorten e tij Andrra, të dy të veshur kuq e zi.
