Kanë qenë bashkëpunëtorë besnikë të njëri-tjetrit, madje kanë qenë edhe protagonistë të thashethemeve nga më të ndryshmet, e jo gjithmonë dashamirëse. Megjithatë, në një moment Seldi dhe Sinan ndërprenë bashkëpunimin, që pasoi me shumë thashetheme për një konflikt.
Sidoqoftë asnjë nga artistët nuk konfirmoi asgjë nga ato që u thanë në media për ta. Tani, që kanë kaluar disa vjet nga performanca e tyre e fundit, Seldi dhe Sinani takohen sërisht bashkë, të paktën publikisht. Dy artistët kanë qenë të ftuar në emisionin “n’Kosovë Show”.
Sinan Hoxha foli për jetën dhe karrierën e tij me moderatorin Shpëtim Desku. Gjatë bisedës në studio erdhi një letër e shkruar nga menaxheri i tij, Avni Selimi, i cili mes të tjerash kërkoi që Sinan Hoxha të pranojë një duet me ish-bashkëpunëtorin e vjetër, Seldi Qalliu.
I emocionuar nga letra, Sinani u përpoq të fshihte lotët, ndërsa Seldi nuk e fshehur aspak emocionin e takimit me të.
Sidoqoftë, Sinan Hoxha pranoi të realizonte një duet me Seldin, ndaj na duhet vetëm të presim për t’i parë sërish bashkë./xing.al
