‘Forbes’ ka shpallur si çdo vit listën e femrave më të ‘fuqishme të vitit 2019. Në vendin e parë ka kryesuar kancelarja gjermane, Angela Merkel, në një listë prej 100 emrash të femrave më me ndikim në botë. Christine Lagarde u radhit në vendin e dytë, kryetarja e dhomës së përfaqësuesve të ‘SHBA-së’, Nancy Pelosi, zuri vendin e tretë dhe Ursula Von Der Leyen, presidentja e Komisionit Evropian, i katërti.
Në listën të këtij viti u paraqitën femra të suksesshme nga gjashtë kategori: biznesi (31), teknologjia (17), financa (12), media dhe argëtimi (14), politika (22) dhe filantropia (4). Së bashku, ato kontrollojnë ose ndikojnë më shumë se 2.3 trilion dollarë në të ardhura dhe mbikëqyrin afro 6.5 milion punonjës.
Për të përcaktuar renditjen e grave në secilën kategori, si dhe në përgjithësi, ‘Forbes’ u përqendrua në katër parametra: paratë, media, ndikimi dhe sferat e ndikimit. Kujtojmë se kjo renditje zhvillohet çdo vit, duke renditur emrat e njerëzve më me influencë në botë./revistawho.com
