Dy netë më parë u bë e ditur se kënga e Eli Farës dhe reperit, Stresi nuk kaloi në natën finale të festivalit të ‘RTSH-së’. Ky vendim shkaktoi mjaft reagime tek ndjekësit e dyshes, të cilët nuk ranë dakord me zgjedhjen e jurisë.
Ndërsa ditën e sotme, vetë Stresi ka zgjedhur të flasë diçka më shumë lidhur me këngët pjesëmarrëse në festival.
“Mendoni se shumë të rinj të Shqipërisë do i këndojnë sonte këngët përmendësh të natës finale? Do thoja këngën e @elvanagjataaaa po sepse e meriton, ka sjellë një super super hit në këtë festival, por shumicën e këngëve nuk do i mbajë mend njeri jo”, ka shkruar reperi krah postimit të tij më të fundit ku shfaqet një djalë i vogël duke kënduar ‘Bohem’.
Duke theksuar se kënga e tij dhe Eli Farës është memorizuar nga të gjithë, Stresi ka shtuar se asnjë prej këngëve të tjera nuk do të dëgjohet në ditët në vijim. Kujtojmë se mbrëmjen e sotme mbahet nata finale e festivalit të 58-të të ‘RTSH-së’, në një garë ku do të performojnë 12 finalistë./revistawho.com
https://www.instagram.com/p/B6X5WpMJ14y/?igshid=gkktm9ujxl5g
