Endrit Mërtiri po punon për një projekt të quajtur “Sikur sirenat të ekzistonin prej vërteti” me modelen Oriola Marashi. Seti fotografik i realizuar në Vlorë nuk i ka shpëtuar edhe shkrimtarit, Albatros Rexhaj. Rexhaj ka publikuar një shkrim duke e cilësuar Mërtirin si kampion të padiskutueshëm dhe një profesionist të vërtetë. Ndërsa Oriola mishëron për të sirenën e vërtetë me bukurinë e saj. Menjëherë kanë reaguar edhe Endriti, edhe Oriola të cilët e falenderojnë për shkrimin. Shkrimin e plotë mund ta lexoni më poshtë:
“Mund të mos na pëlqejë qasja specifike që Endrit Mertiri aplikon në punën e tij dhe po ashtu mund të ketë shumë mendime e diskutime për atë se si saktë mund ta kategorizojmë punën e Endritit, por, në fund të çdo debati, një gjë nuk mund të sfidohet nga askush. Endrit Mertiti është kampion i padiskutueshëm në përpjekjen që punën e vet ta veshë, ta shoqërojë dhe ta prezantojë me një dozë të fuqishme të shkëlqimit, që në shumëçka i ngjan glamourit të botës së yjeve të mëdha.
Më interesantja është se Endriti këtë e bënë duke i punuar edhe projektet më lineare. Fotoja më poshtë është një detaj in action nga një foto set që, së fundmi, Endriti ka punuar në Vlorë dhe atë për një katalog të një dyqani me fustane!!! Dhe dua ta theksoj qartë se pikërisht këtë detaj të seriozitetit në punë, pavarësisht “peshës” së klientit, e vlerësoj më së shumti te Endriti, për mua një tregues se ai është një profesionist i vërtetë. “Sikur sirenat të ekzistonin prej së vërteti?”, kështu quhet projekti, ndërkaq në rolin e sirenës është 21 vjeçja Oriola Marashi, për disa një nga femrat më të bukura në Shqipëri (edhe pse shijet gjithnjë janë subjektive). Sidoqoftë, pavarësisht shijes personale, Oriola është një divë e botës së foto modelimit, një koketuese e lindur që aktin më të bukur të vardisjes dhe të joshjes e ka me këdo që është duke analizuar një foto të saj. Nuk thash kot “analizuar”, pasi që ajo ka këtë efekt pothuajse te secili, mashkull apo femër.
Projekti lansohet së shpejti.
Stay tuned (A.R)”
