Situata aktuale në Ukrainë: Çfarë dihet deri tani

Ministria e Shëndetësisë e Ukrainës ka bërë me dije se të paktën 352 civilë, përfshirë 14 fëmijë, janë vrarë nga sulmet e Rusisë.
OKB-ja aktualisht e vendos numrin e civilëve në 102, duke përfshirë shtatë fëmijë, por paralajmëron se shifra reale ka të ngjarë të jetë “dukshëm më e lartë”.
Rusia nuk ka komentuar mbi viktimat civile, ndërsa “Al Jazeera” nuk ishte në gjendje të verifikonte në mënyrë të pavarur shifrat e dhëna.
Ndërkohë, më shumë se 500 mijë njerëz janë larguar nga Ukraina në kërkim të sigurisë në vende të tjera, sipas agjencisë së refugjatëve të OKB-së (UNHCR).
Eksodi ka shkaktuar një krizë në rritje në pikat e kalimit kufitar, pasi mijëra presin kalimin në shtetet fqinje evropiane, duke përfshirë Poloninë, Hungarinë dhe Rumaninë./revistawho.com