Këngëtarja Gerta Mahmutaj, prej tre vitesh, është e dashuruar me Dj John Van Ryde, i cili është vëllai i bashkëshortit të Aurela Gaçes. Edhe bashkëshorti i Aurelës, Skerdi, si Joanisi kanë studiuar muzikë dhe i janë kushtuar asaj. Skerdi më shumë në menaxhim, ndërsa Joanisi si DJ me emrin John Van Ryde dhe si kompozitor dhe ndërkohë merret edhe me menaxhim lokalesh.
Në një mjedis të tillë është njohur edhe me Gerta Mahmutajn dhe prej tre vitesh janë bashkë duke krijuar edhe një tjetër çift artistësh në familjen e tyre, ku sigurisht Aurela ka më shumë përvojë dhe më shumë sukses si këngëtare. Joanis ka pranuar që i merr shpesh mendim asaj dhe Skerdit për krijimet e tij duke thënë që ata janë një ndihmë e madhe, por edhe Gerta që është pjesë e grupit të këngëtarëve që këndojnë live me Aurelën, ka pranuar që këngëtarja nga Vlora është një shkollë për të. Ata kanë folur edhe për marrëdhëniet e mira që kanë me Aurela Gaçen duke qenë njëkohësisht kolegë dhe të afërm prej historive të dashurisë që kanë bashkuar Skerdin me Aurelën e më pas Gertën me vëllanë e Skerdit, por Gerta Mahmutaj ka zbuluar në emisionin Rudina, që ato nuk janë vetëm kunata.
“Unë dhe Aurela jemi dhe kushërira. Mami im dhe mami i saj janë kushërira të dyta dhe mua gjithmonë më ka pëlqyer të them që Aurela është kushërira ime”, ka thënë Gerta.
Gerta dhe John Van Ryde kanë realizuar këto kohë një këngë të re pop dance, “Për ty” me ritme verore, pas këngës dance që mori pjesë në Këngën Magjike./ Class
