Pavarësisht incidentit të rëndë me dhunë që ndodhi gjatë natës gjysmëfinale të Big Brother VIP Albania 4, Jozefin Markun, i njohur si Jozi pati një rritje të ndjeshme ndjekësish. Sidoqoftë, Instagrami i tij shumë shpejt u mbyll, dhe nuk dihet ende nëse kjo është një strategji e tij apo një rezultat i raportimeve të shumta nga fansat e Gjestit.
Që nga mbrëmja e incidentit, numri i ndjekësve të tij në Instagram shënoi një rritje të ndjeshme. Nga 56,500 ndjekës që kishte më parë, në mbi 81,000, duke fituar afro 25,000 ndjekës në një periudhë shumë të shkurtër.
Kjo rritje ka shkaktuar reagime të përziera në rrjet. Nga njëra anë, shumë komentues kanë dënuar aktin e dhunës dhe kanë kërkuar që figura të tilla të mos kenë më hapësirë në ekran. Nga ana tjetër, shifrat tregojnë një interes të shtuar për personazhin në fjalë – një fenomen që ka ngritur pyetje të mëdha për mënyrën si funksionon sot vëmendja publike dhe algoritmet sociale.
Në këto raste, rikthehet një pyetje e njohur në botën e spektaklit dhe rrjeteve sociale: a ishte ky një skandal i papritur apo një marketing i heshtur, i paqëllimshëm por efektiv?
