Këngëtarja izraelite Netta Barzilai po përballet me akuzat se kënga e saj ‘Toy’, me të cilën fitoi këtë vit në festivalin “Eurosong” në Portugali, është plagjiaturë.
Kompania amerikane “Universal Music Studios” ju ka dërguar një letër para padisë kompozitorëve të këngës fituese, Doron Medalie dhe Stav Beger. Ata pretendojnë se këta të fundit kanë kopjuar këngën ‘Seven Nation Army’ nga viti 2003, të rok-bendit amerikan “The White Stripes”.
“Të gjitha këngët që konkurrojnë në “Eurosong” duhet të jenë origjinale. Nëse pretendimi për plagjiaturë rezulton i vërtetë, Izraeli do të skualifikohet nga konkurrenca dhe Nettës do t’i mohohet fitorja. Si rezultat, Izraeli nuk do të jetë pritës i Eurosongut vitin e ardhshëm”, shkruajnë mediat izraelite./revistawho.com
