Mbrëmja e kaluar kur u mbajte finalja e edicionit të radhës të Eurovizion rezervoi shumë emocione dhe surpriza. Por nuk qenë vetëm këngët e jashtëzakonshme ato që fituan vëmendje. Gjatë performancës së përfaqësueses britanike, një djalë i ri hipën në skenë dhe i rrëmben mikrofonin. Ai tha frazën: “Nazistë të mediave britanike, duam liri” dhe u përpoq të largohej, por u kap nga rojet e sigurimit.
Momenti ishte shumë i sikletshëm sidomos për këngëtaren Surie, por ajo e përballoi shumë mirë. E çoi performancën e saj deri në fund dhe kur i ofruan ta përsëriste nëse dëshironte, nuk pranoi duke u shprehur se ndihej krenare për paraqitjen e saj. Mbetet ende mister domethënia e frazës së përdoruar nga personi që hyri në skenë./revistawho.com
https://www.youtube.com/watch?v=WD0tdIGHKWw
