Intervista që dha futbollistja e kombëtares së femrave për “Panorama Sport” për lidhje intime mes futbollistesh duket se zbuloi shumë të vërteta mes vajzave të ekipit. Pas puthjeve të zjarrta të kapitenes Aurora Seranaj, zbulohet lidhja intime e sulmueses së Kombëtares Naime Merovci, me një femër. Naime Merovci është thirrur në formacion nga trajneri Altin Rraklli, për të cilin dje u publikuan disa mesazhe ku kërkonte favore nga futbollistet, këtë vit dhe ka luajtur në muajin mars dhe gusht kundër Luksenburgut dhe dy ndeshje kundër Turqisë. Merovci jeton tashmë në Suedi, ku banon edhe e dashura e saj që ju shihni në foto, e cila quhet Matilda, edhe ajo futbolliste. Në fotot e publikuara nga “Neësbomb” vajza me flokë të shkurtra është Naimja, e cila është 22 vjeç, ndërsa vajza me flokë të gjata Matilda, me kombësi suedeze. Vajzat mësohet se janë në një lidhje intime së bashku. Fotot tregojnë momente intime ku ato kane qene në plazh së bashku dhe kanë pozuar në dy pozicione të ndryshme, duke u puthur. Nuk dihet nëse të dyja vajzat jetojnë së bashku, por duket se marrëdhënia e tyre është tepër e thellë.
