Pamela Anderson duket se nuk ka ndërmend të zbutet, edhe pse deklaratat e saj kanë trazuar rrjetin dhe i janë kundërvënë fuqishëm nga vetë Sylvester Stallone. Aktorja kanadeze vazhdon të qëndrojë pas versionit të saj të historisë, duke insistuar se ylli i “Rocky”-t i kishte bërë një propozim të pazakontë.
Në një intervistë për “Watch What Happens Live With Andy Cohen”, Anderson tha:
“Ishte shumë specifik për të qenë sajesë”, duke kujtuar me detaje se si Stallone i kishte ofruar “një apartament dhe një Porsche” nëse ajo pranonte të ishte “vajza e tij nr. 1”.
Kur ajo kishte kërkuar sqarim nëse ekzistonte edhe ndonjë “nr. 2”, përgjigjja sipas saj kishte qenë po aq e drejtpërdrejtë:
“Kjo është oferta më e mirë që do marrësh. Je në Hollywood tani.”
Megjithëse Stallone i ka mohuar publikisht këto akuza, duke i quajtur “të rreme dhe të sajuara”, Pamela nuk është tërhequr. Madje, me ironi, ajo shton:
“Ndoshta do ta kisha menduar ofertën… nëse bëhej fjalë për një Shelby Cobra.
Këto deklarata vijnë ndërkohë që Anderson është në qendër të vëmendjes për një lidhje të re të përfolur me Liam Neeson, që thuhet se është krijuar gjatë xhirimeve të filmit “The Naked Gun”.
