Skandal në RAI/ Mbaron furnzimi për grimin, të gjithë në transmetim ‘ujë e sapun’

Grimierët e RAI-t në Itali janë në alarm. Në studiot e Romës furnizimi me produktet kozmetike po mbaron dhe kanë mbetur bosh. Siç raporton “La Repubblica”, në dhomat e grimit të televizionit shtetëror italian, nuk ka më krem-pudër, rimel, tone për faqet e syte dhe produkte të tjera të domosdoshme për të fshehur difektet e për t’i bërë më të këndshëm imazhet e fytyrave që dalin në ekranin e vogël. “Urdhëresat kanë ngrirë prej tre muajsh dhe nëse nuk gjendet menjëherë një zgjidhje, rezultati do të jetë që të ftuarit me famë botërore, gazetarë e politikanë, do të dalin në transmetim siç i ka bërë nëna”, denoncon Piero Pellegrino, sekreta kombëtar i sindikatës autonome Snater. Origjina e ndërprjes së furnizimit sipas tij, ka ardhur nga një mosdakordim në strukturën që drejton sektorin e grimit. Mësohet se grimierët kanë kërkuar produkte të cilësisë së lartë, ndërsa drejtuesit në përpjekje për të kursyer kanë blerë materiale të një cilësie më të ulët që kanë rezultuar të papërshtatshëm për nevojat televizive.